Со проекција на филмот „Панкот не е мртов“ на режисерот Владимир Блажевски, утре во Будимпешта ќе почнат серија настани од културата „Најдоброто од Македонија“ кои до крајот на наредната година ќе ги организираат македонски иселеници во Унгарија.

„Панкот не е мртов“ е меѓу најуспешните македонски филмови, кој доби голем број меѓународни награди и победи во категоријата „Исток – Запад“ на престижниот фестивал во Карлови Вари во 2011 година.

Филмот е во продукција на „Панк филм“ од Скопје. Во Будимпешта утре ќе биде прикажан во познатото кино „Бем Мози“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.