На 18 мај, со почеток во 20 часот на Скверот ,,Јас и ти” во Дебар маало-Скопје ќе се реализира проектот ТРИПТИХ кој претставува спој на три изразни видови на уметност. Учесниците Дуња Иванова, Јована Зајкова и Горазд Китановски ќе ги обединат современиот звук за пијано и танцот низ мислата на единствениот Горан Стефановски.

Проектот е дел од Годишната програма за култура на Министерството за култура на РС Македонија.

Дуња Иванова е магистар по пијано, доктор на науки по филозофија, наставник и автор. Концертира со репертоар на современиот звук за пијано, музика од филмското платно, постминимализам. Остварува бројни премиерни изведби на делата на Збигњев Прајснер, Филип Глас, Лудовико Еинауди, Арво Перт, Руичи Сакамото, Мајкл Најман, Тери Рајли, Стив Рајх, Микаел Сапин, Давид Федел, Бјанка Бан, Јан Тирсен, Макс Рихтер.

 

Јована Зајкова е танчарка и кореографка од Скопје. Дипломира при Универзитетот “Гоце Делчев” во Штип на катедрата за современ танц. Учествува во програмата на Скопје Танцов театар како стажист и настапува на реномирани фестивали во Македонија и во странство.

 

Горазд Китановски е автор, поет, гласник на позитивната вибрација. Тој е национален победник во слем-поезија за 2021 година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.