Македонскиот народен театар (МНТ) ја подготвува претставата „Само глас“ од Нина Плавањац во која главните улогите ги толкуваат првенците Звездана Ангеловска и Никола Ристановски, иноформираат од Националниот театар.

Претставата е во режија на Марјан Неќак, кој воедно е автор на музиката, сценограф и дизајнер на светло. Премиерната изведба се очекува кон крајот на мај 2021 година.

„Само глас“ е приказна за силна и талентирана жена, која преку ниска постапка го доживува најпонижувачкиот момент во својот живот, борејќи се за сопствениот идентитет. Позната е само Таа, бидејќи во нејзината личност се измешани повеќе архетипови: на ќерка, на дете, на жена, на љубовница, на ѕвезда, на протагонистка и на антагонистка.

На сцената на МНТ во тек се подготовките и на вториот проект поддржан од Годишната програма на Министерството за култура за 2021 година.

Вториот проект е „Митре Стрелата во земјата на чудата “/ „Тибам Штркот“ од Зоран Спасов-Ѕоф, работен според еден од најчитаните текстови во 2008 година. Овој текст ќе ја доживее својата праизведба во режија на Јордан Симонов, а главниот лик го игра Александар Микиќ. Насловот на претставата е инспириран од животната сторија на јунакот Митре Стрелата во Канада. Како што вели авторот, ова дело е обид да се види Канада со македонски очи, но и да се доживее со космополитска душа, да се доловат измешаните чувства на љубов, среќа, тага, радост, носталгија… Ракописот е пишуван на скопски сленг, во лајт варијанта – дијалект што сè помалку се зборува, полека изумира и го снемува од скопските улици.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.