На покана на Пол Малдун, добитник на Пулицеровата награда за поезија, поранешен уредник за поезија во „Њујоркер“ и професор по креативно пишување на универзитетот Принстон во САД, на 25 и 26 октомври на поетскиот фестивал „Принстон“ ќе учествува и Лидија Димковска заедно со уште единасетмина поети од САД, Шри Ланка, Украина и Јамајка.

Фестивалот е во организација на Центарот за уметности „Луис“ при универзитетот „Принстон“ кој важи за еден од најстарите и нареномираните универзитети во САД. На фестивалот кој се одржува биенално, а оваа година е во рамките на прославата на 80-годишнината од основањето на програмата за креативно пишување на универзитетот, поетите селектирани од Пол Малдун, речиси сите наградувани и високо вреднувани во областа на поезијата, ќе се претстават на повеќе поетски читања, дебати на тема „Поезијата и притисокот“, како и поетски перформанси.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.