Утре, 06.07.2022 (среда),  ќе се одржи концерт на „Џим Политис Квартет“, на платото Ист Гејт мол, со почеток во 21:00 часот.

Џим Политис – гитара, Џорџ Пациотис – гитара, Костас Арсенис – контрабас, Серџио Хрисовицанос – виолина –  Грција 

Џим Политис е роден во Атина, Грција. Тој е композитор, инструктор по гитара и сесиски гитарист со музичка позадина која комбинира многу различни музички жанрови како фјужн, бибоп, џипси џез, балкански, метал, рок, блуз, фанк, соул, ударни гитара. Тој претставува модерен пристап во акустичната џез музика.  Студирал композиција, импровизација, теорија на музика, обука за уши, тапани и перкусии во конзерваториумот Филипос Накас (1999-2002).

Џорџ  Пациотис дипломирал на Катедрата за музички науки на Универзитетот на  Македонија во Солун и магистрирал џез музика (Универзитет во Атина). Понатаму, има две дипломи за класична и електрична гитара и следел мастер предавања со разни класични и џез солисти. Во последните две децении работи како гитарист и учител по музика. Учествувал во бројни проекти, безброј концерти и снимања.

Костас Арсенис (контрабас) е роден во Лариса каде ги имал првите курсеви по теорија на музика, класична гитара и електричен бас. Студирал контрабас на Атинскиот конзерваториум кај проф. Анастасиос Казаглис и електричен бас на Конзерваториумот Накас во Атина со Јотис Киурцоглу. Понатаму, студирал класична гитара на Одделот за музичка интерпретација на музичкиот универзитет Џорџ Енеску во Букурешт и музикологија на Каподистрискиот универзитет во Атина.

Серџио Хрисовицанос е еден од најактивните виолинисти и мулти-инструменталисти во Грција со големо присуство на сцената и во дискографијата. Студирал виолина и музичка теорија и предава и учествува во различни музички проекти повеќе од 25 години, свирејќи виолина, гитара, мандолина или укулеле.

На 07.07.2022 (четврток),  ќе се одржи концерт на хорот „THE HARVARD KROKODILOES“ , во Сули ан – Факултет за ликовни уметности, со почеток во 20:30 часот.

На 08.07.2022 (петок),  ќе се одржи концерт на ROGGERS & HARRISON „LET THE GUITAR PLAY“, во Сули ан – Факултет за ликовни уметности, со почеток во 21:00 часот.

 

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.