Амбасадата на Република Чешка деновиве организира серија настани по повод 30 години од „Кадифената револуција“ во Чехословачка.

На Меѓународниот фестивал „Богородичен покров“ што почнува денеска и ќе трае до 19 октомври, ќе бидат прикажани два чешки документарни филма „Црвена“ од режисерката Олга Сомерова и ,,Мојот век“ од режисерката Теодора Ремундова.

На 29 октомври амбасадата на Република Чешка во Скопје ќе организира изложба на фотографии „1989 низ очите на фотографот“ на која ќе бидат прикажани серија од фотографии направени за време на големите протести.

На 2 и 3 ноември во Скопје ќе почне фестивалот на Европскиот филм „Cinedays“ на кој ќе бидат прикажани повеќе чешки филмови: „Граѓанинот Хавел“ во режија на Мирослав Јанек и Павел Коутецки, „Чад“ во режија на Томаш Ворел, „Животот според Вацлав Хавел“ во режија на Андреа Седлачкова, „Времето на слугите“ во режија на Ирена Павласкова.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.