Ве покануваме на јавниот театарски настан  – Overview effect!  –  Драмски  читања  на текстовите кои се создадени како резултат на работилницата за драмско пишување под менторство на извонредните италијански драмски уметници  и ментори Валтер Прете (драмски автор, актер) и Густаво Далесио (режисер, актер), одржана во Скопје во периодот од 2 јуни до 6 јуни 2023 г. Организатори на настанот се Македонскиот центар ИТИ/ПРОДУКЦИЈА.  Настанот ќе се одржи во просториите на КСП ЈАДРО – Скопје, со почеток во 13.00ч, велат од КСП Центар Јадро.

Работилницата  Overview effect!  е дел од регионалниот проект The East Side of Stage инициран од продуцентот Франко Унгаро и Accademia Mediterranea dell’Attore di Lecce, во партнерство со неколку театарски организации на Балканот, меѓу кои и Македонскиот центар ИТИ/ПРОДУКЦИЈА.  Проектот е поддржан од Министерството за култура на Р. Италија. Во рамките на овој проект, домашните уметници Дејан Дуковски, Искра Шукарова и Иванка Апостолова Баскар ќе одржат стручни менторски работилница со фокус на драмско пишување (Дејан), кореографска (Искра) и визуелна драматургија (Иванка), во месец јуни во Трикасе и Лече, Италија.  Во Скопје, италијанските уметници Валтер Прете и Густаво Алесио ја одржаа својата драмска работилница со фокус инспирација, мотивирана  од климатските промени. На работилницата учествуваат реномирани македонски драмски автори, писатели, поети од помладата и средната генерација, во соработка со талентирани студенти по драматургија и режија, од ФДУ Скопје и Прима Универзитетот од Скопје.    

Овој проект има за цел да ги поврзе и афирмира балканските и италијанските  театарски, сценски, драмски, книжевни уметници меѓусебе, преку соработки и размена на знаење и искуства во Италија, Македонија, Косово, Србија, Црна Гора, Босна и Херцеговина, Албанија.

Проектот ги применува  методологиите на драмскиот и танцовиот театар,  на еколошката тема за климатските промени, тестирајќи ја драмската имагинација и луцидноста на уметниците, во овој еколошко активистички контекст.  

ПРОГРАМА

13.00ч  – ЈАВЕН НАСТАП: Overview effect!  –  Драмски  читања  (резултати од работилницата за драмско пишување)

Драмски автори – читаат:  Ева Камчевска, Стефан  Марковски, Весна Куслеска, Емилија Матаничикова-Добковска,  Маја Дреца-Ристески,  Валентина Ѓоргиевска, Тања Кузмановска,  Христијан Крстевски, Оливија Трајковска, Милица Костова Ристова.

Ментори: Валтер Прете и Густаво Далесио.

Проект:  𝔸 𝔼𝕊𝕋 𝔻𝔼𝕃 ℙ𝔸𝕃ℂ𝕆𝕊ℂ𝔼ℕ𝕀ℂ𝕆 /  The East Side of Stage

Покровители: Министерство за култура на Италија

Организатори/партнери: Македонски центар ИТИ/ПРОДУКЦИЈА

Партнери: AMA – Accademia Mediterranea dell’Attore di Lecce, Italy (Franco Ungaro – Leading Coordinator); MITTELFEST ASSOCIATION (Italy); MALTE (Music, art, literature, theatre, etc.); A.Lib.I. artisti liberi indipendenti; A.T.K. ALBANIAN THEATRE ASSOCIATION; MACEDONIAN CENTER ITI/PRODUKCIJA; NGO ATACA lternative Theatre Active Company; ARTISTIC UTOPIA; QUENDRA MULTIMEDIA.

Локација:  КСП ЈАДРО – Скопје / Линк. https://www.facebook.com/centarjadro/about

Благодарност до Јасмина Билаловиќ и тимот  на ЈАДРО (Марија, Ѓорѓе, Ѓоле); Пандора Апостолова, Весна А. Бришкоска; Франко Унгаро, Искра Шукарова, Дејан Дуковски.  

Скопје 2023

 

ТИМ

Иванка Апостолова Баскар – продуцент

Михаило Апостолов – видео, фотографска документација и техничка координација.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.