Во Домот на културата во Валандово е поставена несекојдневна интересна изложба на одамна недопрени или заборавени книги, кои со децении ниту еднаш не биле позајмени од читателите на градската библиотека.

По избор на библиотекарите, изложени се дваесетина книги од разни жанрови меѓу кои и оригиналното издание на епот Одисеја кој, откако библиотеката го добила во 2008 година, ниту еднаш не стигнал во рацете на валандовските читатели.

Една од причините поради која можеби овие книги со децении останале недопрени е желбата на валандовчани да читаат полесна литература, односно бестселери и трилери кои се најпопуларни меѓу читателите, велат библиотекарите.

Изложените книги и натаму ќе стојат на библиотечните рафтови и ќе може да се позајмуваат доколку некој покаже интерес за нив.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.