Македонската оперска пејачка Ивана Здравкова вчера ја освои наградата за најдобра изведба на арија на натпреварот „Хајдн“, во регионот Хајдн во Австрија, одржан директно во куќата на познатиот композитор.

Натпреварот се одвиваше во три етапи, се изведуваа по 7 песни и 5 арии од класичарите Моцарт, Бетовен и Хајдн.

Ова е огромно признание за еден оперски уметник, посебно поради фактот дека наградата е доделена на најавтетичното место, родната куќа и реон каде Хајдн живеел и каде сите кандидати од целиот свет имаа можност да се претстават и да покажат кој најдобро ќе го изведе овој типичен стил, затоа сум горда, што јас како Македонка, која ја претставувам нашата држава во странство, да се закитам со наградата за најдобро изведена арија, изјави Здравкова за „Република“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.