Денес (12 декември 2019 година) со почеток од 18 часот во македонскиот културно информативен центар во Софија ќе биде отворена манифестацијата „Денови на македонската литература за деца 2019“. Настанот е инициран од издавачката куќа ЕДУКА МАК од Скопје и е поддржан од македонското Министерство за култура.

Во текот на манифестацијата ќе биде претставена литературата за деца и изданијата отпечатени во последните 3 години. За настанот се поканети автори на публикации, автори во списанието СУПЕР СМЕШКА, наградени автори на фестивалот на поезија за деца – проектот „СТИХУВАЛКИ 2018“, автори на илустрации и на голем број публикации.

Преку „Деновите на македонската литература за деца“ се афирмира домашното литературно творештво и придонесува за збогатувањето на културната размена меѓу Македонија и Бугарија

Издавачката куќа ЕДУКА МАК е специјализирана за издавање на литература за деца во која спаѓаат сликовници, книги со поезија и раскази, едукативни прирачници за деца, месечното списание за деца „СУПЕР СМЕШКА“ и други изданија. ЕДУКА МАК е единствена издавачка куќа во земјава која исклучиво се занимава со создавање и издавање на литература за деца.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.