Лоша и неизвесна зима ја очекува туристичката индустрија во Македонија. Без итни државни мерки, секторот ќе претпри огромни загуби и тешко дека потоа ќе може да се опорави.

Професорот од Факултетот за туризам, Науме Мариноски, за „Алсат“ вели дека интервенцијата во овој сектор треба да биде приоритет.

Мислам дека мора да се сфати тоа многу сериозно, затоа што ако ја испуштиме шансата да им помогнеме на овие деловни субјекти, после тоа многу потешко ќе можеме да се витализираме. Ќе биде погубно не само од гледна точна,што хотелиерите тешко ќе можат да ги рестартираат своите капацитети, туку и затоа што ќе ја изгубиме туристичката клиентела – вели Мариноски.

Страв постои кај сите во туризмот.

Тоа е верижна реакција. Ако некој затвори, ако затворат авио компании, ако затворат хотелите, тогаш ќе се затвори и за водичите, тогаш нема да работат и ресторани. И тоа е стопирање и едно тесно грло и една голема штета – додава Љупчо Јузмески, туристички водич.

Директорот на Агенцијата за туризам, Љупчо Јаневски, бара од менаџерите на хотелите поуспешно да ги менаџираат трошоците и најавува друг вид помош со кои ќе се компензираат средтствата кои се добиваа од ваучерите.

Очекувам секторот да добие поефтина енергија. Ние сме работници луѓе, туристичкиот сектор знае што е криза. Очекувам да има некои одредени олеснувања. Дополнително очекувам бизнисот реално да даде мерки, кои ние ќе ги проследиме до самата влада – вели Јаневски.

Во меѓувреме Охрид и Струга веќе се нудат за престојните новогодишни празници, а најголем интерес има од соседството.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.