Туристичките водичи и придружници кои поради ситуацијата со КОВИД-19 неколку месеци не ја извршуваат својата дејност, а голем дел од нив не остваруваат и дополнителни приходи, денеска на прес-конференција ќе информираат за актуелната состојба во која се наоѓаат.

Водичите ќе укажат и на важноста од изготвување протоколи за работа.

На прес конференцијата ќе се обратат претседателот на Македонската асоцијација на туристички водичи и придружници (МАТВП), Димитар Кавраков и потпретседателот Елвир Садиковиќ.

Пред една недела, Асоцијацијата пристапи во Сојузот на стопански комори (ССК) и јавно побара помош од државата за надминување на корона кризата. Туристичките водичи се пожалија дека трпат големи загуби поради откажаните аранжмани. Предлозите за нивно вклучување во економските мерки се официјално доставени до надлежните институции.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.