Светските цени на храната пораснаа трет месец по ред во октомври и достигнаа нов десетгодишен рекорд, повторно предводени од растот на цените на житото и растителното масло, објави денеска Агенцијата за храна на ОН.

Индексот на цените на храната на Организацијата за храна и земјоделство (ФАО), кој ги следи меѓународните цени на прехранбените производи со кои најмногу се тргува во светот, во просек изнесува 133,2 поени за минатиот месец во споредба со ревидираните 129,2 за септември.

Бројката во септември претходно беше 130,0.

Октомвриската статистика е највисока во однос на овој индекс од јули 2011 година. На годишна основа индексот во октмоври се зголемил 31,3 отсто.

Цените на земјоделските производи драстично пораснаа минатата година поради доцнењата во жетвата и високата побарувачка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.