Пандемијата со корона вирусот ја стави Македонија пред уште еден предизвик. Да го победиме вирусот, но и да ја пребродиме економската криза. Македонските работници повторно се пред опасност за губење на работните места, ова денеска преку прес-конференција до јавноста го истакна Дафина Стојаноска од ВМРО-ДПМНЕ.

Македонските компании се повторно пред опасност од затворање. Ние Македонците знаеме што значи тоа, знаеме што значи затворени погони, затворени фабрики и илјадници работници на улица, без работа и без плата. Да го превенираме економски колапс, затоа што само самите го можеме тоа. Да го превенираме економското пропаѓање на државата, затоа што закрепнувањето на економијата ќе биде болно и долгорочно. Можеби и повеќе и подолго од справувањето со пандемијата. Пред безидејноста на власта за вистински, современи мерки, сега секој еден од нас е одговорен за да помогне во спречувањето на економската катастрофа. Сите ние сме дел од тој круг. Сите сме дел од трговијата и движењето на капиталот. Со изборот при купување, секој од нас прави избор кон спас на македонската економија, за спас на македонска компанија, спас на работно место за македонски работник. Ние, сите заедно, тоа го можеме, вели Стојаноска.

Таа додава едноставно купувајте македонски производи, производи со знакот за квалитет, за да продолжат со работа нашите компании, за да има работа за македонските работници.

 

Купувајте паметно. Купувајте македонски производи, затоа што ја сакаме Македонија, апелира Стојаноска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.