Државата може целосно да биде парализирана со генерален штрајк, ако Владата не ги слушне нашите повици за отпочнување преговори за прашањата кои се од интерес на јавниот сектор, тврди Јаким Неделков претседател на Синдикатот за образование наука и култура (СОНК).

Сѐ уште немаме одлука за тоа кога ќе почнеме со штрајкот и колку тој ќе трае, но може да се случи тоа да биде на крајот на учебната година, а во штрајкот да бидат вклучени сите дејности од јавен сектор. Ако се знае дека СОНК има 30.000 членови во кои се вклучени и јавната и државната администрација, еден штрајк ќе значи многу, односно целосна блокада на институциите, вели Неделков.

Него, како што вели, го загрижува игнорантскиот однос на власта, но сепак е оптимист дека до крајот на мај институциите ќе најдат сили да се сретнат со синдикатите и да ги разгледаат прашањата кои се ставени на маса за преговарање уште од пролетта минатата година.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.