Помошта за компаниите кои тешко се снаоѓаат и не можат да работат треба да продолжи и за јули и август, рече професорот Трајко Славески, член на ИК на ВМРО-ДПМНЕ на вечерашното гостување на дебатата на телевизија 24 на која се осврна на проектите од програмата со која ВМРО-ДПМНЕ настапува на овие предвремени парламентарни избори.

Се покажа дека не можат компаниите да издржата ниту месец – два ако не работат. Прва грешка која се направи беше тоа што немаше помош за март, а ние укажавме на тоа. По наши укажувања помошта прдолжи и во јуни. Ние предвидуваме таа помош што им беше дадена на претпријатијата да не се враќа, а ќе биде неопходно помошта да продолжи и во летниот период или и во јули и август, рече Славески.

Професорот се осврна и на даночниот систем.

СДСМ воведе прогресивен данок, создадоа незивесност го укинаа по девет месеци и сега повторно велат воведување, а ќе имало и дискусии. Кој може да и даде на една партија десет години да не може да се одлучи какви даноци треба да имаво државата. Таквата политика создава неизвесност, рече Славески.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.