На панел дискусијата организирана од ВМРО-ДПМНЕ „Четири години Заев, четири години украден живот. Доста е!“, свое обраќање имаше Трајко Славески, член на ИК на ВМРО-ДПМНЕ, кој говореше за лошите политики на власта што имаат катастрофални последици врз македонската економија.

Нема ништо лошо во спроведување на проекти, дури и програми, но ако тие се во согласност со вашите идеолошки определби, ако се тргнува од најчесни намери. Намерите на СДСМ не беа чесни, во смисла на тоа што нивните претставници уште кога беа во опозиција критикуваа дека наводно со воведување на рамниот данок, кој што ние го воведовме, се зголемила нееднаквоста во Република Македонија. Напротив, според податоците на Светска Банка објавени во нивни публикации, нееднаквоста во распределбата на доходот во Република Македонија мерена според т.н. БДП коефициент се намали од 43% во 2007 година на 34% за 2015 година. Тоа е сосема спротивен тек на настаните – истакна Славески.

Тој посочи дека СДСМ во период кога беше опозиција велеше дека со рамен данок се зголемила сиромаштијата. Напротив стапката на сиромаштијата во истиот период, значи 2007 – 2015, според Светска Банка е намалена за 5-6 процентни поени.

Чуди тоа што, сепак, се охрабрија, кога видоа дека се соочија со катастрофални резултати, со губење на приходи од воведување на висока стапка на данокот на личен доход, за плати над 90.000 денари, отстапија, што е редок случај во светската практика. Имено, во текот на само девет месеци режим на оданочување така радикално да се промени. Но, како што слушам деновиве сепак не се откажале од таа идеја којашто ја разработуваа повеќе години, со навестување дека ќе го воведуваат пак данокот. Тие дури и препорачаа зголемување на даноците – изјави Славески.

Славески додаде дека е срамота во период на криза власта да зголемува даноци на граѓаните, кога граѓаните се без работа, со намалени плати или воопшто немаат земено плата.

Тој потсети дека власта ветуваше раст од БДП 5% секоја година, но оствари просечен раст од 0.7% за четири години.

Податоците за БДП ги имаме за четирите години, заклучно со 2020 година. И имаме негативна стапка на раст. Стапката на раст од ветените 5% годишно е само 0.7%. Ако се остварија ветените 5% раст на БДП тоа ќе значеше зголемување на животниот стандард. Но, ние имаме само загуба. Причината за ова е што Владата предводена од СДСМ и ДУИ, на чело со Заев. немаше јасен план, немаше модерен пристап како да ја подржи македонската економија од самиот старт, нема современи развојни политики и од тука, без одреден концепт што треба партиите да го подготвуваат кога се во опозиција. Сето е само губење на време и маркетинг – појасни Славески.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.