Владата соопшти дека денеска заседавал Економскиот совет во проширен состав при што се разгледувале предлог-мерки за ублажување на економските последици од вториот пакет. Во соопштението нема детали за содржината на дискусијата ниту за поединечните предлог-мерки што би ги опфатил пакетот. Единствено се најавува дека тие ќе бидат донесени на една од наредните владини седници.

Економскиот совет, кој работи на иницијатива на претседателот на Владата, Оливер Спасовски, денеска го одржа вториот состанок на кој го разгледа дополнителниот пакетот мерки кој го предлага владата за справување со последиците по економијата, стопанството и финансискиот сектор од блокадата на реалниот сектор што го предизвика коронавирусот.

На состанокот учествуваа и заменикот на претседателот во Владата задолжен за европски прашања и за координација на меѓународната помош, Бујар Османи, министерката за финансии, Нина Ангеловска, министерот за економија, Крешник Бектеши, министерот за земјоделство, шумарство и водостопанство, Трајан Димковски, министерот за транспорт и врски, Горан Сугарески, министерот за животна средина и просторно планирање, Насер Нуредини, техничката заменик-министерка за финансии, Гордана Димитриеска Кочоска, како и генералната гувернерка на Народната банка на Република  Македонија, Анита Ангеловска-Бежоска. Членовите на економскиот совет, со претставници од стопанството и финансискиот сектор од коронавирусот, во кое учествуваат претставници на Академијата на науките и уметностите на Република  Македонија (МАНУ), на претставници на универзитетските заедници, на деловната заедница, како и претставници на стопанските комори и на опозицијата, на состанокот ги дадоа своите мислења и понудија дополнителни укажувања, насоките и препораки, како и нови предлози за да се креира ефикасен пакет за да се спречи драматично влијание и штети во економскиот и финансискиот сектор, како и врз стандардот на граѓаните.

Техничкиот премиер Спасовски на крајот од состанокот се заблагодари за укажувањата, препораките и новите предлози, и истакна дека Владата останува отворена и за дополнителни укажувања до затворањето на пакетот економски мерки кои ќе бидат донесени на една од првите наредни седници – се вели во соопштението од владината прес-служба.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.