Македонските производи би можеле да станат дел од синџирот на набавка на „Лидл“ маркетите, а преговорите со оваа компанија, која најави инвестиција во земјава, се во тек, вели вицепремиерот за економски прашања Фатмир Битиќи во интервјуто за МИА.

– Тоа е голема инвестиција и требаат поприлично многу подготовки. Но, она што е клучно е дека ние не ја третираме само како инвестиција со која доаѓа еден голем бренд во земјава. Во овој момент преговараме со нив дали нашите производи ќе станат дел од синџирот на набавка на „Лидл“, дали преку влегувањето на „Лидл“ во нашата земја ќе успееме производите кои се произведуваат кај нас да ги ставиме во глобалниот синџир на „Лидл“. „Лидл“ е важен затоа што ќе донесе некои продукти, кои во моментот можеби ги немаме, но за нас е битно нашите продукти да станат дел од синџирот на „Лидл“. Мене ќе ми биде задоволство да видам наши домати да се продаваат во „Лидл“ во Германија –  истакнува Битиќи во интервјуто.

Тој не сака да прецизира рокови, но се надева дека до крајот на годината ќе излезат првите резултати. За да започне со работа, потребно е „Лидл“ да изгради голем дистрибутивен центар од кој потоа ќе ги снабдува своите маркети во земјава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.