Владата предводена од СДСМ во услови на најголемата криза, презеде навремени и ефикасни мерки вредни 400 милиони евра за заштита на економскиот стандард на граѓаните, се вели во соопштението од СДСМ.

Од партијата додаваат дека ДДВ за основните производи го намалиле од пет на нула отсто. Да не беше тоа намалување, граѓаните во просек секој месец ќе плаќаа по 1.500 денари повеќе.

Ги укинале царинските давачки за увозот на основните прехранбени производи.

Ја намалиле акцизата за горивата и го намалиле ДДВ за енергенсите од 18 на 10%. Доколку го немаше ова намалување, велат тие, секој граѓанин ќе плаќаше 300 денари повеќе.

Потенцираат дека силно ги субвенционираат граѓаните за елетрична енергија која би била дури 80% поскапа.

Благодарение на сите овие антикризни мерки, месечните сметки на граѓаните се намалени за 4.000 денари, се вели во соопштението.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.