Регулаторната комисија за енергетика (РКЕ) работи на измени на правилникот за определување на малопродажните цени на нафтените деривати, но тие нема да влијаат врз крајната цена што ја плаќаат граѓаните, најави денеска претседателот на РКЕ Марко Бислимоски.

Во овој момент, информира, собираме податоци од поголемите трговци со нафта и нафтени деривати на кои им имаме издадено лиценци и врз основа на податоците што веќе ги добивме правиме анализа за тоа што значела методологијата за определување на цената на нафтата и нафтените деривати, што е во сила.

Очекувам во наредниот период да има соодветни измени на нашиот правилник за определување на малопродажните цени на нафтените деривати, но тоа нема да има влијание врз крајната малопродажна цена што ја плаќаат граѓаните – рече Бислимоски.

Тој нагласи дека РКЕ само уточнува и допрецизира некои податоци коишто се во рамки на постоечката методологија за утврдување на малопродажните цени за нафтата и нафтените дервати.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.