Просечната месечна исплатена нето-плата по вработен во декември лани изнесувала 25.784 денари и во однос на декември 2017. е зголемена за 8,1 процент, објави денеска Државниот завод за статистика.

Зголемувањето се должи, пред сè, на повисоката просечна месечна исплатена нето-плата по вработен во секторите: Информации и комуникации (28 проценти), Уметност, забава и рекреација (24,3 проценти) и Рударство и вадење на камен (20,9 проценти).

Просечната месечна исплатена нето-плата по вработен, во декември во однос на ноември лани е зголемена во секторите: уметност, забава и рекреација (22,1 процент), информации и комуникации (22,1 процент) и трговија на големо и трговија на мало; поправка на моторни возила и мотоцикли (12,3 проценти).

Бруто-платата по вработен во декември лани изнесувала 37.704 денари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.