Производителите тивко ја намалуваат големината на пакувањата – без намалување на цените. Овој феномен се нарекува шринкфлација.

Така на пример, пакувањата од 500 грама стануваат пакувања од 450 грама. Кутија која содржела 65 шамичиња, денес има 60. Овошните јогурти од 150 милилитри, преку ноќ станаа јогурти од 130 милилитри. И кока-колата повеќе не се продава во пакување од половина литар. Шишенцето сега содржи 450 милилитри сок… и милиони вакви примери насекаде во светот, кај многу производи, без разлика дали се работи за храна или средства за лична хигирена, чистење и сл.

Намалувањето на количината на производи не е ништо ново, велат експертите. Но, тоа се проширува во време на висока инфлација, бидејќи компаниите се борат со зголемените трошоци за состојки, пакување, работна сила и транспорт.

Глобалната инфлација на потрошувачките цени се зголеми за 7 отсто во мај, темпо што веројатно ќе продолжи до септември, според S&P Global.

„Тоа доаѓа во бранови. Во моментов сме во бран на инфлација“, вели Едгар Дворски, застапник на потрошувачите и поранешен помошник јавен обвинител во Масачусетс, кој со децении го документира падот на производството на својата веб-страница Consumer World, пишува NPR.

Дворски вели дека намалувањето е привлечно за производителите бидејќи знаат дека клиентите ќе забележат зголемување на цената, но нема да ја следат нето-тежината или малите детали, како што е бројот на листови на ролна тоалетна хартија. Компаниите исто така можат да користат трикови за да го одвлечат вниманието од намалувањето на количините на производите, како што е означување на помали пакувања со светли нови етикети кои ги привлекуваат очите на клиентите.

Понекогаш овој феномен може да се промени. Како што се намалува инфлацијата, конкуренцијата може да ги принуди производителите да ги намалат цените или повторно да воведат поголеми пакети. Но, Дворски вели дека кога производот се намалува, тој често останува таков.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.