Преку 200 милиони изнесува штетата од лажниот стечај на електраната „ТЕ-ТО“ и со истата освен што е оштетена „Топлификација“, оштетен е и државниот буџет, објави „Економски Лидер“.

Во целиот договор, очигледно се вмешани премиерот во заминување Зоран Заев, но и вице-премиерот Кочо Анѓушев, кои заедно со дел од судската власт по се изгледа соработуваат со руската офшор фирма „Битер-Холдинг Лимитед“ која предизвика лажен стечај на ТЕ-ТО – поради што беше поднесена кривична пријава од финансиска полиција до ОЈО за гонење на организиран криминал и корупција.

Имено, Финансиска Полиција го сомничи директорот на фирмата Вадим Михајлов (инаку руски државјанин) кој во моментов е во бегство, дека го предизвикал лажниот стечај на ТЕ-ТО и со тоа ги оштетил акционерите на Топлификација за повеќе од 30 милиони евра.

ТЕ-ТО ВО ЕДЕН ДЕН ОТИДЕ ВО СТЕЧАЈ И СЕ РЕСТАРТИРАШЕ!

Оваа фамозна електрана е основана од македонската компанија „Топлификација“ во партнерство со „Битер-Холдинг“ од Кипар каде што сопственик е рускиот олигарх Леонид Лебедев. Во 2018, таа е прва на листата по остварена добивка од дури 120 милиони евра, но симптоматично, во истата година најпрофитната компанија во државава отиде во стечај.

Имено, на 14 јуни 2018, во еден ден од судот беше прогласен стечај ,но и беше изгласан планот за реорганизација на компанијата со кој беше отпишан долгот од 28 милиони евра до „Топлификација“ што всушност се парите со кои е основана фирмата.

Топлификација е акционерско друштво и со ова практично се оштетени инвеститероите кои купиле акции.

Стечајот се случи поради тоа што руските газди преку перење на пари извлекле 150 милиони евра (за што докази ќе бидат објавени во вториот дел од  истражувањето на Лидер), државниот буџет е оштетен за 20 милиони евра со простувањето на данок од страна на владата, а акционерите на „Топлификација“ се оштетени за 28 милиони евра, со тоа што судот ги прости долговите на ТЕ-ТО кон оваа компанија.

КАКО Е ВМЕШАН ПРЕМИЕРОТ ВО ЗАМИНУВАЊЕ ЗАЕВ?

И покрај тоа што очигледно станува збор за лажен стечај, премиерот во заминување Зоран Заев одлучи да потпише одлука со која ќе додели државна помош за компанијата ТЕ-ТО.

Ова не е помош туку практично е опростување на данокот на добивка кон УЈП на ТЕ-ТО кој заедно со аконтациите изнесува преку 20 милиони евра.

Симптоматично е што владата додели ваква помош на компанија за која кривична пријава има поднесено Финансиска Полиција.

Во прилог, одлуката на владата од 160 седница одржана на 22 октомври 2019:

КАКО Е ВМЕШАН АНЃУШЕВ?

При стечајот на ТЕ-ТО, како една од причините се наведува ниската продажна цена на струјата. Преку набавката на реагенси, русите ја фрлија ТЕ-ТО во стечај преку перење на пари со манипулација со цените. Но оваа компанија, според причините за стечај одобрени од судот, струјата ја продавала по неповолно ниска цена.

Струјата е продавана на компанијата ЕДС, која во моментот кога се правеле трансакциите беше во сопственост на сегашниот вицепремиер Кочо Анѓушев, што го потврдуваат интерните документи од ТЕ-ТО до кои стигна Лидер.

ЗОШТО РУСКОВСКА НЕ ПРЕЗЕМА НИШТО?

По кривичната пријава од Финансиска полиција, предметот за лажниот стечај е во рацете на славната обвинителка Вилма Русковска. Но, таа не презема ништо околу ова прашање.

Ова отвора сомнеж за поврзаност помеѓу политичарите, судот, обвинителството и рускиот олигарх Лебедев. За тоа кој и како го направи криминалот во ТЕ-ТО, во второто продолжение кое ќе го објавиме утре.

Во наредните денови се очекува премиерот во заминување Заев да објасни зошто одобрил помош за оваа компанија со очигледен финансиски криминал а премиерот Анѓушев да негира дека е поврзан (Лидер пишува и дека ќе бидат објавени и исплати од ТЕ-ТО кон неговата компанија).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.