Најверојатно утре на владината седница ќе се донесе одлука за замрзнување на цените на хигиенските производи. Тоа што го најавивме претходно и ќе го оствариме, најави министерот за економија, Крешник Бектеши.

Тој информира дека веќе се завршени сите анализи околу ваквите одлуки за намалување и замрзнување.

-Ќе бидат лепеза на производи на истиот начин како што ги замрзнавме цените со утврдување на датум. Датумот ќе се дознае утре, со оглед дека одредени компании денеска можат да направат одредени смени. Вчера ги добив и анализите за зеленчукот и овошјето. Мојот тим работи и најверојатно повеќе од 5-6 производи ќе бидат замрзнати неделава. Ги чекаме и анализите од Царинската управа во делот на увозните цени кои ги пријавуваат, па да видиме колку е разликата во маржите, рече Бектеши при обиколката на еден маркет во Скопје, заедно со премиерот Димитар Ковачевски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.