За 4,7 проценти е намален бројот на работниците во индустријата во периодот јануари ‒ август 2020 година во однос на периодот јануари ‒ август 2019 година, додека во август 2020 година во споредба со август 2019 бележи пад од 5,1 отсто.

Како што соопшти Државниот завод за статистика, бројот на работниците во секторот Рударство и вадење на камен во август 2020 година во однос на август 2019-та бележи опаѓање од 0,8 отсто, во секторот Преработувачка индустрија 5,6, а во секторот Снабдување со електрична енергија, гас, пареа и климатизација намалување од 1,5 проценти.

Според главните индустриски групи, бројот на работниците бележи пад кај Енергија за 1,3 отсто, Интермедијарни производи, освен енергија за 6,2, Капитални производи за 6,1, Tрајни производи за широка потрошувачка за 6,7 и Нетрајни производи за широка потрошувачка за 4,6 проценти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.