Претставници на новоформираното регионално Здржение на лозароовоштари денеска ги повторија барањата за подобри услови во лозароовоштарството. Повисоки цени, сигурност за производителите на грозје, праски и друг вид овошје.

 Мораме да се поддржуваме меѓусебно, за да ставиме крај на нашата долгогодишна голгота. Затоа упатуваме барања кои сакаме да бидат усвоени од оваа или идната Влада, без разлика која ќе биде таа, порача претседателот Златко Стојчев.

Дане Јошев нагласи дека и понатаму ќе се залагаат за исполнување на неколку нивни барања, чие усвојување треба да донесе подобри денови за лозароовоштарите.

Тие повикаа на присуство на протестот на земјоделците кој за в сабота се организира пред Владата. Информираа дека има обезбедено и превоз до Скопје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.