Регионалното здружение „Напредни лозари“ од Кавадарци испрати дописи до амбасадите во земјава за поддршка на извоз на македонско грозје.

Како што вели за МИА претседателот на Здружението, Трајче Кулев, претходно е стапено во контакт со претставници на дипломатските претставништва и е побарана помош за пласманот на годинашниот род.

Имаме добар квалитет на грозје. Соочени со континуираните проблеми околу продажбата, цената и начинот на плаќање години наназад, решивме да се ангажираме што е можно поголеми количини да заминат во странство. Ова се однесува на земјите со кои имаме бесцаринска зона. Според нашите информации, како последица од климатските промени и невреме, во одделни соседни земји има помал род во лозовите насади. Затоа сакаме да им понудиме наше грозје, кое е надалеку познато како квалитетен производ – нагласува Кулев.

Тој додава дека само конкуренцијата при откупот може да придонесе за подобар гроздобер оваа година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.