Маката на македонските земјоделци никако да престане. На само неколку дена пред почетокот на бербата на грозјето, лозарите не знаат што ќе ги снајде.

Нивна проценка е дека се соочуваат со најголема неизвесност кога е во прашање откупот на грозје, но и цената на грозјето бидејќи како што кажуваат винарските визби се уште немаат утврдено цена за двете најзастапени сорти, вранец и смедеревка.

Цената мора да биде реална, четири години се соочуваме со оваа мака, власта не го ценат нашиот труд, нас не понижуваат, а тие се богатат. Цела фамилија ми работи со грозје, никој не е вработен, ова ни е единствен приход, ќе претрпиме за леб ако вака продолжат – вели еден загрижен земјоделец.

Ние имаме трошоци, замислете работната сила ќе не чини од 3 до 4 денари по килограм, ако ни дадат 9 денари како што се шпекулира низ чаршијата ова ќе значи крај за нас, догодина не ги работиме лозјата, вели тој.

Информациите велат дека оваа година е плодна и се очекуваат да се набере и над 100 милиони килограми грозје од Тиквешијата.

Лозарите, се закануваат дека ќе излезат на улица доколку Владата продолжи да го игнорира проблемот за сигурен пласман и реална цена на грозјето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.