До денеска се исплатени вкупно 3,2 милјарди денари за обештетување на депонентите од „Еуростандард банка“ која е во стечај.

Од Фондот за осигурување на депозити информираат дека тоа е близу 77 проценти од вкупните средства упатени до четирите банки преку кои се врши исплатата на обештетувањето.

До денеска се исплатени и близу 10 милиони денари по основ на обесштетување на наследници на депоненти на „Еуростандард банка”.

Обесштетувањето на наследниците според наследни решенија исто така се одвива непречено и исплатата на истите се врши директно преку Фондот за осигурување на депозити. Наследниците ја доставуваат целокупната документација по електронски пат до Фондот, по што Фондот изготвува потврди за обесштетување на депоненти и врши директна исплата на наследниците од сметката на Фондот – се наведува во соопштението од Фондот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.