Лошите економски политики на владата предводена од СДСМ и премиерот во заминување, Зоран Заев ги донесоа граѓаните до се поголема сиромаштија, соопштија од ВМРО-ДПМНЕ.

Освен за криминалот и полнењето на своите џебови, Зоран Заев и неговите пиуни не мрднаа со прст за да се спречи оваа енергетска криза, која се одразува на целата економија во државата.
Само оваа криминална власт не можеше да го види зголемувањето на цените на основните прехрамбени продукти за граѓаните. Откако тие поскапеа за повеќе од 30% владата на СДСМ реши да ги замрзне цените за некои од продуктите.

Ова е задоцнета мерка која само ќе го ублажи ценовниот шок, и нема да биде доволна за спречување на инфлацијата, бидејќи се потребни многу повеќе мерки кои треба да се донесат час поскоро, за да се заштити стандардот на граѓаните.

Граѓаните ги очекува и зголемување на цената на електричната енергија за над 20 %, а со тоа и уште поголема инфлација и зголемување на сиромаштијата.

Наместо енергетските капацитети во државата да произведуваат електрична енергија, и да бидат подготвени за енергетската криза која и беше нејавувана, Зоран Заев и Васко Ковачевски гледаат само како повеќе да украдат од енергетскиот систем во државата.
Затоа сега државата ќе увезува двојно и тројно поскапа електрична енергија, а цената ќе ја платат единствено граѓаните преку повисоки сметки за струја и преку зголемената цена на основните прехрабени продукти и инфлацијата.

СДСМ и премиерот во заминување, Зоран Заев не се способни да се справат со еконоската и енергетската криза. Тие се способни само за местење на тендери за фамилијата Заеви и криминалот и корупцијата кои ја уништија државата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.