Оваа Влада се има докажано во евроатлантската определба, но пред се и над се им служи на интересите на граѓаните на оваа земја, изјави премиерот Зоран Заев, одговарајќи на прашање на пратеникот на Алијансата на Албанците и Алтернатива, Халил Снопче зошто Македонија не се приклучила на економските санкции на ЕУ кон Русија.

Од 2016 година, па досега, Република Македонија се има придружено кон сите изјави, декларации, мерки и санкции усвоени од страна на ЕУ, вклучително и оние против руски државјани и правни лица. Моменталната стапка на приклучување на Република Македонија кон ставовите, мерките и декларациите на ЕУ, односно усогласноста со нив, е 94 проценти, а до 2016 година била 74 проценти, истакна Заев.

Тој нагласи дека земјава, меѓу другото, се има придружено на одлуките на ЕУ за осуда на уривањето на малезискиот авион над територјата на Украина, на конфликтот меѓу Русија и Грузија, на загрозувањето на украинскиот територијален интегритет и суверенитет, на руските кибер напади врз субјекти во ЕУ и на атентите врз на рускиот опозционер Навалини и поранешниот агент Скрипал, поради што земјава дури и протера еден руски дипломат изразувајќи солидарност со Велика Британија.

Ние сме земја кандидат за членство во ЕУ, но не сме членка. Интерес е на граѓаните и државата, ако нешто не мораме, да не го правиме. И затоа покрај сето она што го наведов, ние се немаме приклучено кон економските мерки кон Русија, затоа што имаме сериозен интерес за економска соработка со Русија. Ние сме земја членка на НАТО и за нас нема алтернатива за ЕУ, но нашата земја има интерес да биде пријател со остатокот од светот, рече Заев.

Премиерот нагласи дека нашето законодавство и политики се многу повеќе усогласени со оние на ЕУ, отколку на некои земји што веќе преговараат за членство во Унијата и Македонија е пример за добрососедските односи.

Ние сме успешна европска приказна и успешен европски пример и очекувам ЕУ соодветно да возврати на сето она што го направија граѓаните на Република Македонија. Ако го направаат тоа што сме заслужиле, можеме уште еднаш да се навратиме и да го разгледаме ова прашање. Дотогаш, прво и пред се им служиме на граѓаните и на нашиот народ и на исполнување на нивните интереси за интегрирање на Република Северна Македонина во ЕУ и продолжуваме да се бориме за унапредување на квалитетот на животот на сите наши граѓани, додаде Заев.

Премиерот посочи дека и многу актуелни земји членки на ЕУ имаат сериозни добри економски релации и соработка со Русија, додавајќи дека сепак ако Европската Унија побара од нас да се приклучиме кон санкциите, ние ќе го сториме тоа, затоа што за нас не пости поголема старетешка цел од полноправното членство во ЕУ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.