Централниот одбор на СДСМ на вечерашната седница треба да ја утврди Нина Ангеловска за кандидат за нов министер за финансии. Ангеловска, која се споменуваше и меѓу можните кандидати за потпретседатели на СДСМ, како што пишува „360 степени“, ја прифатила поканата од премиерот Зоран Заев да раководи со ресорот финансии во Владата.

Таа од 2016 г. е доктор на науки по менаџмент, а во 2010 г. дипломирала на Економскиот факултет при УКИМ во Скопје како студент на генерација.

Нина Ангеловска се смета за успешна млада бизнисменка за што потврда е вбројувањето од „Форбс“ во 2018 г. во „Топ 30 под 30“ – триесетте најуспешни во Европа во продажба (е-комерција), а се помлади од 30 години.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.