На предлог на Министерство за животна средина и просторно планирање Владата усвои Информација да се обезбедат пари за изградба на пристапен пат до претоварната станица во општина Ранковце, кој е дел од проектот за воспоставување самоодржлив систем за интегрирано управување со отпад во Источниот и Североисточниот регион, чија вредност изнесува околу 40.000.000 евра.

За реализација на овој целокупен проект, со кој трајно ќе се реши управувањето со отпадот за Северноисточниот и Источниот регион, неопходно е да се исполнат одредени обврски од страна на општините и јавните комунални претпријатија од двата региона, соопшти владината прес-служба по вчерашната владина седница.

Владата му препорача на Јавното претпријатие за државни патишта да направи проценка за изработка на проектна документација.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.