Полициски службеници од Одделението за недозволена трговија со дрога при СВР Охрид синоќа, околу 22.00 часот, во близина на поранешната касарна во Охрид, лишиле од слобода четири лица, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“, информираат од МВР.

Кај Н.К.(27) од Пехчево била пронајдена и одземена марихуана, една ќеса со розева и една ќеса со бела прашкаста материја. Кај П.М.(19) од Битола е пронајдено пакување со кокаин, кај А.М.(18) од Скопје била пронајдена марихуана, а кај Ј.Ш.(21), покрај марихуана, било пронајдено и одземено пакување со портокалова материја. Тие се приведени во полициска станица и против нив ќе бидат поднесени соодветни пријави – информираат од МВР.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.