Рано утринава околу 6:50 часот во тетовската полиција било пријавено дека се одземени пари од казино во Тетово. Во неделата во Теарце беше ограбена спортска обложувалница.

Пријавено е дека едно лице со закана со остар предмет одзело пари од казино во Тетово. Се преземаат мерки за расчистување на случајот, инфомираат од тетовската полиција.

Во неделата во 22.30 часот беше пријавено дека две лица, со закана со оружје од спортска обложувалница во тетовско Теарце одзеле пари.

Разбојништво, односно одземање на пари од страна на две лица со оружје пријавил и 39-годишник од скопско Моране вчера околу 20:30 часот на патот од тетовско Боговиње кон Жеровјане.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.