Маскирано и вооружено лице вчера извршило грабеж во казиното „Стар“ во Дебар, кое се наоѓа на главната улица „8 Септември“ во градот.

Според полициски извор разбојникот насилно влегол во објектот и под закана со пиштол одзел, според првичните информации, голема сума на пари.

Разбојништвото, во Полициската станица од општа надлежност во Дебар, е прјавено на 15 април во 4:50 часот. Се преземаат потребните мерки за пронаоѓање на сторителот, изјави Стефан Димоски, портпарол на Секторот за внатрешни работи од Охрид.

Во постапката ќе бидат корстени и снимките од безбедносните камери.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.