Три лица се повредени по верижна сообраќајна несреќа што денеска околу 12:50 часот се случи на регионалниот пат Делчево – Македонска Каменица, во близина на Мотел Парк Панорама и месноста Баткова Чешма.

Според информации на Итната медицинска помош, повредените се хоспитализирани и дел од нив се упатени во најблиските клинички центри. Бројката на повредени, како што додадоа, можно е да биде зголемен, поради поголемиот број патници кои се наоѓале во возилата кои учествувале во верижниот судир.

На местото на несреќата увид вршат екипи на делчевската полиција, а присутно е и возило на противпожарната единица од Делчево.

Полицијата информира дека двајца од учесниците во сообраќајната несреќа побегнале од местото на несреќата.

Дополнителни информации за причините за несреќата и бројот на повредени лица од полицијата најавија во текот на денот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.