Две момчиња на возраст 16 и 17 години завршиле во болница во Тетово, откако со автомобил „Фолксваген Голф“ ноќеска удреле во ѕид од куќа во тетовско Теарце.

Како што соопшти СВР Тетово, возилото со тетовски регистарски таблици, што го управувал 16-годишник кој немал положено за возачка дозвола, излетало од коловоз и удрило во ѕид од куќа.

Двајца сопатници од „Голфот“ со друго возило биле пренесени во тетовската клиничка болница за укажување на помош. Извршен е увид, информира СВР Тетово.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.