Тетовската полиција бара 41 годишник кој ноќеска побегнал при запирање на неговото возило на автопат, а при тоа според информациите на СВР Тетово се обидел и да ги прегази сообраќајните полицајци. При инцидентот полицајците испукале и предупредувачки куршуми во воздух.

Околу 23 часот и 15 минути, полициски службеници на СВР Тетово, вршејќи службени дејствија, на автопатот Тетово-Скопје, во близина на Требошки надвозник, запреле патничко моторно возило „мерцедес“ со тетовски регистарски ознаки, управувано од 41-годишниот М.Р. од тетовско Мерово, а во кое се наоѓало уште едно лице. По запирањето, М.Р. го стартувал возилото и се обидел да прегази двајца полициски службеници, оштетил две службени возила на СВР Тетово и се оддалечил од местото, додека од полициските службеници биле испукани неколку предупредувачки куршуми во воздух, информираше Марјан Јосифоски, портпарол на СВР Тетово.

Полицијата сега презема мерки за расчистување и документирање на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.