Во сообраќајката што утрово околу 9.30 часот се случи кај Трапчин Дол на патот Кичево – Гостивар, загина тракторист роден во 1959 година од кичевското село Грешница.

Портпаролот на СВР Охрид, Стефан Димоски, за МИА изјави дека несреќата се случила кога сега починатиот управувајќи трактор излегувал од селски пат за да се приклучи на магистралниот.

Во тој момент во него удрило патничко возило „Ауди“ со гостиварски регистарски таблички, управувано од возач од кичевското село Зајас, роден во 2000 година.

Димоски додаде дека увидот на местото на несреќата е завршен и сообраќајот на магистралниот пат Кичево – Гостивар е нормализиран. Тој беше целосно во прекин од 9.50 до 12.10 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.