По еден месец притвор поминат во затвор во Србија, Шефшет Демировски, сопственик на наменската фабрика, АТС Груп од Скопје , е пуштен на слобода со кауција од 200.000 евра, јавуваат српските медиуми.

Според Новости, Демировски во текот на судскиот процес ќе се брани од слобода, но привремено му е одземен македонскиот пасош и му е забрането да го напушта местоото на престојување бо Белград.

Демировски е обвинет за давње мито во случајот ,,Први партизан“, во Србија.

Минатиот месец тој беше уапсен под сомнеж дека на вработени од оваа фабрика за оружје во Ужице им дал мито за да му ги предададт доверливите документи за производство на оружје, снајперска пушка која сакал да ја произведува во неговата фабрика во Скопје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.