Дваесет годишен студент, жител на село Леуново бил приведен во вторникот откако се обидел да повреди полицајци со шрафцигер. Тој бил пријавен во полициска станица дека го кршел и оштетувал инвентарот во интернатот „Седек Костоски“ во Маврови Анови, каде привремено бил сместен.

Кога на местото пристигнале полициските службеници кои постапувале по пријавата, тој од џебот извадил штрафцигер и ги нападнал со намера да ги повреди. Од страна на полициските службеници бил совладан и приведен. Усвојувајќи го предлогот на надлежниот јавен обвинител, судијата на претходна постапка од Основниот суд во Гостивар на осомничениот му определи мерка притвор во траење од осум дена – информираа од МВР.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.