Основното јавно обвинителство Струмица отвори истрага против три лица, двајца мажи и една жена кои се сомничат дека како соизвршители го сториле убиството што се случи завчера во Струмица во Турското маало на улица „Бетовенова“.

Според соопштението од ЈО во попладневните часови на 5 јули, на улицата „Бетовенова“ во Струмица, по настаната вербална расправија, тројцата осомничени лишиле од живот едно лице и со умисла го довеле во опасност животот на тројца други оштетени.

Расправијата почнала за паркинг место пред куќа, по што сите тројца осомничени со ножеви му задале повеќе убоди на сега почнатиот. Тој паднал на земја и починал на лице место. Кога членовите на неговото семејството се обиделе да му помогнат на оштетениот, осомничените и нив ги нападнале, нанесувајќи им телесни повреди – убодни рани со нож – стои во соопштението на Обвинителството.

Инаку, судија на претходна постапка од Основниот суд во Струмица го прифатил предлогот на надлежниот јавен обвинител и на тројцата осомничени им определил притвор во траење од 30 дена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.