Во врска со наводите во медиумите за вклученост на 14-годишното девојче од Штип во мрежа на малолетничка проституција во земјава и во една земја во странство, началникот на Одделението за информации од јавен карактер во МВР Сузана Праниќ за МИА рече дека работат на случајот, но во интерес на истрагата не можат да соопштат детали.

Официјалната изјава од МВР е дека тие во координација со Јавното обвинителство и во соработка со Министерството за труд и социјална политика работат на случајот. Портпаролот на Министерството за труд и социјална политика Ирена Смиљанска одговорила дека детето е на безбедно место.

Деталите за овој случај ќе следат откако надлежните институции ќе завршат со целосната истрага бидејќи, како што велат нивни претставници, во моментов сè е на ниво на шпекулации што можат да наштетат на истрагата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.