Седум приведени лица во текот на полициски час изминатата ноќ евидентира СВР Тетово. Од лишените од слобода двајца се странски државјани, а тројца се малолетници.

-Прво во 21:35 часот во Желино движејќи се со возило „голф“ биле затекнати две лица, возач на 29 години од истото село и сопатник на 28 години од Требош. Десетина минути по полноќ, на улица „Илинденска“ во Тетово, приведени се Т.М.(28) и Б.Ц.(30) од Република Албанија, кои непријавено престојувале на подрачјето и кои ја прекршиле забраната за движење. Во 01:45 часот на улица „29 Ноември“ затекнати се малолетници на 13, 14 и 17 години кои се приведени во присуство на родител, информира Марјан Јосифоски, портпарол на СВР Тетово.

За неносење заштитни маски на 30 луѓе им се изготвени прекршочни платни налози, согласно член 6 од соодветната владина Уредба.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.