На подрачјето на Чаир од полициски службеници од ЕВР Чаир синоќа во 19 часот бил лишен од слобода В.Б.(43) од с.Агино Село, поради тоа што бил затекнат на извршување кривично дело „кражба“ во правен субјект, каде бил вработен, соопшти Министерството за внатрешни работи.

Од него биле одземени две цистерни и приколка, како и други предмети кои потекнуваат од кривичното дело, прикачени на патничкото возило „фолксваген туаран“ со кумановски регистарски ознаки, кое го управувал, кои ќе бидат вратени на сопственикот.

Со него бил извршен службен разговор во полициска станица, а за случајот е известен Јавен обвинител. По негово целосно документирање ќе следи соодветен поднесок, информираат од МВР.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.