Основното јавно обвинителство Битола донесе наредба за спроведување истражна постапка против жител на битолско село, за сторено кривично дело „полов напад врз дете кое не наполнило 14 години“.

Јавниот обвинител до Основниот суд Битола поднесе предлог за определување притвор за осомничениот, бидејќи постојат околности што укажуваат дека постои основан страв дека осомничениот ќе ја попречува кривичната постапка со влијание врз сведоци и дека постои опасност тој да го повтори кривичното дело. Судијата на претходна постапка при Основниот суд Битола го прифати предлогот и со решение определи притвор за осомниченото лице во траење од 30 дена, информираат од Јавното обвинителство.

Обвинителството поведе постапка поради основано сомневање дека осомничениот на 23-ти овој месец во претпладневните часови, ги искористил блиските роднински врски со детето и стекнатата доверба и извршил друго полово дејствие врз детето кое не наполнило 14 години.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.