На електронска адреса на основно училиште во Крива Паланка денеска стигнала пријава за поставена експлозивна направа.

– Денеска (02.12.2022) околу 11.00 часот во  Полициска станица Крива Паланка било пријавено дека на електронска адреса на едно основно училиште во Крива Паланка е упатена закана за поставена експлозивна нaправа, информираат од Секторот за внатрешни работи Куманово.

Оттаму додаваат дека веднаш по добиената пријава, од полициски службеници се преземени мерки за безбедно евакуирање на училиштето и во тек се антитерористички проверки и се преземаат мерки за раасчистување на случајот.

Рано утринава околу 07:30 часот, како што соопшти Министерството за внатрешни работи, пријави за бомби стигнале на мејл адреси на три основи училишта во Скопје.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.