Опожарена била една соба во затворот Кшање, соопштија денеска од Регионалниот центар за управување со кризи Куманово, a потврдија надлежните од затворот.

Пожарот избувнал во пладневните часови, вчера.

-Веднаш е информирана противпожарната единица, полицијата, како и социјален работник, бидејќи лицето сместено во собата во притворското одделение е малолетно. При извлекување на притворените од собите еден полицаец од затворот е хоспитализиран поради задушување и му е пружена помош. Нема повредени осуденици. Пожарот е изгаснат, изјави за МИА, директорот на затвор Кшање, Ненад Цветковиќ.

Од РЦУК Куманово, информираат дека пожарот избувнал во 12:07 и бил изгаснат до 13:20 часот. Пожарот го гаселе петмина пожарникари со едно противпожарно возило.
Пожарот бил пријавен и во СВР Куманово на пладне од каде била испратена екипа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.